ຫວຽດນາມ-ສະຫະລັດອາຣັບ ເອມີເຣດ ເລັ່ງຊຸກຍູ້ດ້ານເສດຖະກິດ-ການຄ້າ
ສຳນັກຂ່າວຫວຽດນາມນິວລາຍງາຍວັນທີ 7 ມິຖຸນາ ນີ້ວ່າ: ຢູ່ນະຄອນຫຼວງຮ່າໂນ້ຍ ຫວຽດ ນາມ ແລະ ສະຫະລັດ ອາຣັບ ເອມີເຣດ (UAE) ໄດ້ຈັດກອງປະ ຊຸມປຶກສາຫາລືກ່ຽວກັບທິດທາງຊຸກຍູ້ການພົວພັນດ້ານເສດຖະ ກິດ-ການຄ້າລະຫວ່າງ 2 ປະເທດ ໃນວັນທີ 5 ມິຖຸນາ ຜ່ານມາ, ຫວຽດນາມ ນຳໂດຍ ທ່ານ ຫງວຽນ ຮົ່ງຢຽນ ລັດຖະມົນຕີກະຊວງອຸດສາຫະກຳການຄ້າ ແລະ ສະຫະລັດອາຣັບ ເອມີເຣດ ນຳໂດຍທ່ານ ທານິ ບິນ ອາເມັດອໍ ລັດຖະມົນຕີຜູ້ຮັບຜິດຊອບ ການຄ້າຕ່າງປະເທດ ກະຊວງເສດຖະ ກິດບັນດາປະເທດ, ມີວິຊາການທີ່ກ່ຽວຂ້ອງທັງ 2 ຝ່າຍເຂົ້າຮ່ວມ.ໜຶ່ງໃນບັນດາຈຸດສຸມເຊິ່ງ 2 ຝ່າຍໄດ້ເປັນເອກະພາບ ຊຸກຍູ້ໃນໄລຍະຈະມາເຖິງແມ່ນ ສັນຍາການຄ້າເສລີ (FTA) ດ້ວຍຊື່ທີ່ວ່າ ສັນຍາຄູ່ຮ່ວມມືເສດຖະກິດຮອບດ້ານ (CEPA) ລະຫວ່າງ ຫວຽດນາມ ແລະ UAE. ທ່ານລັດຖະມົນຕີຫວຽດນາມ ໄດ້ສະ ເໜີໃຫ້ຊຸກຍູ້ການເຈລະຈາສັນຍາ CEPA ຫວຽດນາມ-UAE. ເປັນເອກະພາບບາງເນື້ອໃນສຳ ຄັນໂດຍໄວ ເພື່ອພະຍາຍາມກ້າວໄປເຖິງເປົ້າໝາຍລົງນາມໃນເອ ກະສານໄວເທົ່າທີ່ໄວໄດ້ເພື່ອນຳ ມາເຊິ່ງກາລະໂອກາດ ແລະ ປະສິດທິຜົນຢ່າງແທດຈິງໃຫ້ແກ່ວິສາຫະກິດ 2 ປະເທດ. ພ້ອມນັ້ນ ຍັງໄດ້ຮຽກຮ້ອງໃຫ້ບັນດາວິສາຫະກິດ UAE ຄົ້ນຄວ້າ, ລົງທຶນໃສ່ບາງຂົງເຂດຢູ່ ຫວຽດນາມ ຄື: ພະລັງງານທົດແທນ, ພະລັງ ງານສະ ອາດ, ອຸດສາຫະກຳເຄມີ, ກໍ່ສ້າງເຂດອຸດສາຫະກຳຢູ່ບາງ ເຂດເສດຖະກິດທີ່ມີຄວາມສາ ມາດບົ່ມຊ້ອນຂອງຫວຽດນາມ. ໂອກາດນີ້, ທ່ານລັດຖະມົນຕີ UAE ກ່າວວ່າ: UAE ມີຄວາມປາຖະໜາຢາກເພີ່ມທະວີການຮ່ວມມືກັບ ຫວຽດນາມ ໃນທຸກຂົງເຂດ, ພວກເຮົາພ້ອມແລ້ວທີ່ຈະສົມທົບກັບ ຫວຽດນາມ ເພື່ອຊຸກ ຍູ້ວິວັດການເຈລະຈາ ກ້າວໄປເຖິງການລົງນາມໃນສັນຍາ CEPA ໃຫ້ສຳເລັດເປັນຮູບປະທຳສາມາດນຳໄປຈັດຕັ້ງປະຕິບັດໄດ້ໂດຍໄວ.
ແຫຼ່ງທີ່ມາ: ໜັງສືພິມກອງທັບ
ວັນທີ 08/06/2023